Putin kërkonë të vendosen policët serbë në Kosovë

0
83

Presidenti rus Vladimir Putin tha në Beograd se qëndrimi i Rusisë ndaj Kosovës është i qartë – Moska është në favor të një zgjidhjeje të pranueshme reciproke të Beogradit dhe Prishtinës, por bazuar në Rezolutën 1244 të OKB-së.

“Autoritetet e Kosovës kanë ndërmarrë disa veprime provokative që kanë përkeqësuar më tej situatën,” vuri në dukje Putini si një shembull i vendimit të Prishtinës për të formuar Ushtrinë e Kosovës, që është shkelje e Rezolutës 1244, sipas Putinit.

I pyetur për bisedimet e shpeshta në lidhje me ndërmjetësimin e Rusisë në dialog dhe nëse mund të kyqet, Putini u përgjigj se Rusia gjithmonë ka marrë pjesë aktive, por BE është ndërmjetës.

“BE është një ndërmjetës, por pak është arritur,” tha presidenti rus, duke deklaruar se nuk po zbatohej ajo që ishte rënë dakord dhe në këtë kontekst ai veçanërisht vuri në dukje faktin se BKS ende nuk ishte formuar.

Ai gjithashtu rikujtoi se Rezoluta 1244 parasheh që një numër i caktuar i policëve serbë dhe rojeve kufitare mund të jenë në territorin e Kosovës.

“Ku janë ata?” Pyeti Putini, duke vënë në dukje se ligji ndërkombëtar duhet të respektohet shumë më tepër.

SHARE